Årsmelding for Luster sogelag 1. januar 2024 – 31. desember 2024
Luster sogelag har som formål å fremja interessa for slekts- og lokalhistorie og kulturvern, samla inn og ta vare på alt som er av verdi for Luster kommune si historie og som kan fortelja om folk sine levekår gjennom tidene. Organisasjonen er open for alle.
Styret
Styret i 2024, vald av årsmøtet 21.03.2024 er:
Leiar: Geirr Vetti (vald for 2024 og 2025)
Styremedlemmer: Kjell Einar Ormberg, Trygve Lerum, Anne Lise Aasen (vald for 2024 og 2025), Hans Bringebøen (vald for 2024 og 2025).
Varamedlem: Bjørg Hovland, Leidulf Veka, Halvard Johan Bolstad, Brita Kristine Bollingberg
Kontaktpersonar/leiar for ulike grupper:
Stadnamngruppa: Per-Arvid Hauge
Fotogruppa: Kari Johanna Yttri
Dalsdalen: Kjell Einar Ormberg
Hestaskår: Geirr Vetti og Torunn Løne Vinje
Stiftinga Ormelid gard: Luster sogelag har oppnemnd fylgjande til styret: Geirr Vetti med pers. vara Rigmor Solem, tidlegare seniorrådgjevar SNO i Vest-Jotunheimen og Utladalen. Frå fagmiljøet er oppnemnt Mons Kvamme (tidlegare jobba med Vestlandsgardprosjektet ved Høgskulen i Sogndal), pers.vara: Førsteamanuensis Liv Norunn Hamre, Høgskulen på Vestlandet
Revisor: Jon Galde
Valnemnd: Torunn Løne Vinje og Ragna Aud Leirmo
Medlemmer
Per 31. desember 2024 hadde Luster sogelag 42 medlemmer, herav 1 æresmedlem, same medlemstalet som i 2023.
Styremøte
Luster sogelag 4 styremøte. I tillegg har det vore fleire møte i dei ulike gruppene.
Medlemsmøte
Utanom årsmøtet 21.03.2024 har det ikkje vore arrangert medlemsmøte i 2024.
Styret har arbeidd med ulike saker
Kulturen i Naturen har lagt ut fine videoar med kulturhistorisk innhald på Youtube. Dette arbeidet har vore i regi av Hafslo Sogelag og kulturkontoret i kommunen. Årbok for Luster er lagt på is, nemnda er oppløyst. Pengane som stod på felleskonto til dette arbeidet, vart av Hafslo sogelag, Jostedal historielag og Luster sogelag vedteke å overføra til prosjektet Kulturen i Naturen. Luster sogelag har ikkje vore involvert i dette arbeidet, anna enn at Hestaskår vart nytta i samband med innspeling av filmen om Breistølen.
Filmen med arbeidstittel Jørn Sage. Opptaka er frå tida rundt 1930. Bjørn Sverre Hol Haugen var med på eit styremøte og viste fram den digitaliserte utgåva av filmen. Klipping og tekst er vidare steg, men fyrst må det på plass ein avtale mellom eigarane av filmen og sogelaget. Geirr Vetti har kontakt med Jørn Sage sin familien v/Jan Sverre Sage om rettigheiter, kostnad mm før arbeidet kan gå vidare.
Fotoregistreringa, Sigurd Moe si bildesamling, er framleis på vent i Vestland fylkeskommune. Bjørg Hovland har etter avtale med arkivar Hedvig Ølmheim levert dei registreringane ho har utført.
Dalsdalen. Arbeidsgruppa har hatt 2 møte, resultatet så langt er eit program med namnet «Ei tidsreise for ein husmannsgut frå Kilen» med bilde og kåseri. Programmet vart vist på sogelaget sitt årsmøte i 2024. I tillegg vart det vist fram på Seniortreff i Gaupne den 11. april. Det er mykje meir å henta av historie frå Dalsdalen, gruppa arbeider difor vidare med dette.
Hestaskår. Hestaskårnemnda har hatt eitt møte i samband med fredingssaka, særleg om kor stort område rundt bygningane som bør vera med. Tilbakemelding er sendt Vestland fylkeskommune.
Etter søknad har sogelaget fått tilskot på kr 50.000 frå Luster Vestre Statsalmenning til «nyaløa». Det er arbeidd kontinuerleg med finansiering av dette arbeidet.
Det har vore leigd hjelp til slått og fjerning av buskas slik at tunet har vore velstelt gjennom heile sommaren. Arkitektstudentar var på besøk i april. Oppvekstsenteret har besøkt plassen med jamne mellomrom. Det er og mange turgåarar som tek turen oppom tunet og tek ei rast og ei roleg stund i paviljongen.
Stadnamn: Lustrafjorden. Sognefjorden Vel (SoVel) v/leiar Torbjørn Dale kontakta telefonisk sogelaget for å få opplysningar om tidlegare fiske i fjorden. Sogelaget vart invitert til møte på Skjolden den 11. juni og møtte der. Dette inspirerte til Dugnad for å byggja oppatt gløymd kunnskap: Kjennskap til gode fiskeplassar går lett i gløymeboka. Sogelaget har difor teke kontakt med folk og så langt fått informasjon om fiskeplassane Storøyri, Urneshaldet, Ågothaldet, Vesleøyri i Luster, og fiskeplassar på Nes. Peilepunkta er viktige.
Nettsida til sogelaget. Gjennom kontaktsida er det komme ein del e-postar frå ulike stader i landet, som laget har svart på, fleire melder at dei ønskjer å vera medlemer, andre har ulike spørsmål som t.d. om snøskred på Svensøy ? i 1898, rett skrivemåte på 1. skysstasjon på vår side av Dølafjellet, matrikkel frå 1904, gamle handelsveger, Harastølen, Lustrasongen, artikkel om Kristen Johan Vigdal, bygging av Sognefjellsvegen 1936-1938, spm om foto, filmar og video, futedottera Sara, stølane i Guridalen, album med Harastølsbilete mm.
Økonomi
Årsregnskapet viser eit overskot på 68.735,89,-, der kr 50.000 er tilskot øyremerkt til nyeløa i Hestaskår. Inneståande i banken per 31.12.2024 er kr 332.176,86.
Rekneskap
Fullstendig regnskap med revisjonsberetning blir lagd fram som eiga sak på årsmøtet.
Luster, 16. februar 2025
Styret i Luster sogelag:
Geirr Vetti, Kjell Einar Ormberg, Trygve Lerum, Anne Lise Aasen, Hans V. Bringebøen